A Ghazal By Bedum Shah Warsi

نقابِ رخ الٹ کر تو جو خنجر آزما ہوتا
تو پھر کوچہ ترا کوچہ نہ ہوتا کربلا ہوتا

حسینوں ہی کے ہاتھوں سے ہماری موت آنی تھی
نہ ہوتے تم تو کوئی جان لیوا دوسرا ہوتا

مریضِ عشق کا مرنا ہی بہتر تھا جدائی میں
اگر اچھا ہوا ہوتا تو کیا اچھا ہوا ہوتا

یہ حُسنِ دل نشیں یہ ناز یہ اندازِ محبوبی
سبھی کچھ تھا جو تو پابندِ آئینِ وفا ہوتا

اگر مقصد نہ ہوتا عشق میں کوئی مرے دل کا
تو پھر بیدم اثر خود ناز بردارِ دعا ہوتا

(بیدم شاہ وارثی)
Bedum Shah Warsi