پرى كا سراپا نظير اكبر آبادى Nazeer Akbar AbDi

ﭘﺮﯼ ﮐﺎ ﺳﺮﺍﭘﺎ
ﺧُﻮﮞ ﺭﯾﺰ ﮐﺮﺷﻤﮧ ، ﻧﺎﺯ ﻭ ﺳﺘﻢ ، ﻏﻤﺰﻭﮞ ﮐﯽ ﺟﮭُﮑﺎﻭﭦ ﻭﯾﺴﯽ ﮨﮯ
ﻣﮋﮔﺎﮞ ﮐﯽ ﺳﻨﺎﮞ ، ﻧﻈﺮﻭﮞ ﮐﯽ ﺍﻧﯽ ، ﺍﺑﺮﻭ ﮐﯽ ﮐﮭِﭽﺎﻭﭦ ﻭﯾﺴﯽ ﮨﮯ
ﻗﺘّﺎﻝ ﻧﮕﮧ ﺍﻭﺭ ﮈﺷﭧ ﻏﻀﺐ ، ﺁﻧﮑﮭﻮﮞ ﮐﯽ ﻟَﮕﺎﻭﭦ ﻭﯾﺴﯽ ﮨﮯ
ﭘﻠﮑﻮﮞ ﮐﯽ ﺟﮭَﭙﮏ ، ﭘُﺘﻠﯽ ﮐﯽ ﭘﮭِﺮﺕ ، ﺳُﺮﻣﮯ ﮐﯽ ﮔﮭُﻼﻭﭦ ﻭﯾﺴﯽ ﮨﮯ
ﻋﯿّﺎﺭ ﻧﻈﺮ ، ﻣﮑّﺎﺭ ﺍﺩﺍ ، ﺗﯿﻮﺭﯼ ﮐﯽ ﭼَﮍﮬﺎﻭﭦ ﻭﯾﺴﯽ ﮨﮯ
....
ﺑﮯ ﺩﺭﺩ ، ﺳﺘﻤﮕﺮ ، ﺑﮯ ﭘﺮﻭﺍ ، ﺑﮯ ﮐﻞ ، ﭼﻨﭽﻞ ، ﭼَﭩﮑﯿﻠﯽ ﺳﯽ
ﺩﻝ ﺳﺨﺖ ﻗﯿﺎﻣﺖ ﭘﺘﮭﺮ ﺳﺎ ﺍﻭﺭ ﺑﺎﺗﯿﮟ ﻧﺮﻡ ﺭﺳﯿﻠﯽ ﺳﯽ
ﺁﻧﻮﮞ ﮐﯽ ﺑﺎﻥ ﮨﭩﯿﻠﯽ ﺳﯽ ، ﮐﺎﺟﻞ ﮐﯽ ﺁﻧﮑﮫ ﮐﭩﯿﻠﯽ ﺳﯽ
ﻭﮦ ﺍﻧﮑﮭﯿﺎﮞ ﻣﺴﺖ ﻧﺸﯿﻠﯽ ﺳﯽ ، ﮐﭽﮫ ﮐﺎﻟﯽ ﺳﯽ ﮐﭽﮫ ﭘﯿﻠﯽ ﺳﯽ
ﭼِﺘﻮَﻥ ﮐﯽ ﺩﻏﺎ ، ﻧﻈﺮﻭﮞ ﮐﯽ ﮐَﭙَﭧ ، ﺳﯿﻨﻮﮞ ﮐﯽ ﻟَﮍﺍﻭﭦ ﻭﯾﺴﯽ ﮨﮯ
....
ﺗﮭﯽ ﺧﻮﺏ ﺩﻭﭘﭩﮧ ﮐﯽ ﺳﺮ ﭘﺮ ﺳﻨﺠﺎﻑ ﺗﻤﺎﻣﯽ ﮐﯽ ﺍﻟﭩﯽ
ﺑﻞ ﺩﺍﺭ ﻟَﭩﯿﮟ ، ﺗﺼﻮﯾﺮ ﺟﺒﯿﮟ ، ﺟﮑﮍﯼ ﻣﯿﻨﮉﮬﯽ ، ﺳﺠّﯽ ﮐﻨﮕﮭﯽ
ﺩﻝ ﻟُﻮﭦ ﻧﮧ ﺟﺎﻭﮮ ﺍﺏ ﮐﯿﻮﻧﮑﺮ ﺍﻭﺭ ﺩﯾﮑﮫ ﻧﮧ ﻧﮑﻠﮯ ﮐﯿﻮﻧﮑﺮ ﺟﯽ
ﻭﮦ ﺭﺍﺕ ﺍﻧﺪﮬﯿﺮﯼ ﺑﺎﻟﻮﮞ ﺳﮯ ، ﻭﮦ ﻣﺎﻧﮓ ﭼﻤﮑﺘﯽ ﺑﺠﻠﯽ ﺳﯽ
ﺯﻟﻔﻮﮞ ﮐﯽ ﮐﮭُﻠﺖ ، ﭘﭩﯽ ﮐﯽ ﭼﻤﺖ ، ﭼﻮﭨﯽ ﮐﯽ ﮔُﻨﺪﮬﺎﻭﭦ ﻭﯾﺴﯽ ﮨﮯ
....
ﺍﺱ ﮐﺎﻓﺮ ﺑﯿﻨﯽ ﺍﻭﺭ ﻧﺘﮫ ﮐﮯ ﺍﻧﺪﺍﺯ ﻗﯿﺎﻣﺖ ﺷﺎﻥ ﺑﮭﺮﮮ
ﺍﻭﺭ ﮔﮩﺮﮮ ﭼﺎﮦِ ﺯﻧﺨﺪﺍﮞ ﻣﯿﮟ ﺳﻮ ﺁﻓﺖ ﮐﮯ ﻃﻮﻓﺎﻥ ﺑﮭﺮﮮ
ﻭﮦ ﻧﺮﻣﮯ ﺻﺎﻑ ﺳﺘﺎﺭﺍ ﺳﮯ ﺍﻭﺭ ﻣﻮﺗﯽ ﺳﮯ ﺩﺍﻣﺎﻥ ﺑﮭﺮﮮ
ﻭﮦ ﮐﺎﻥ ﺟﻮﺍﮨﺮ ﮐﺎﻥ ﺑﮭﺮﮮ ﮐﻦ ﭘﮭﻮﻟﻮﮞ ، ﺑﺎﻟﮯ ﺟﺎﻥ ﺑﮭﺮﮮ
ﺑُﻨﺪﮮ ﮐﯽ ﻟﭩﮏ ، ﺟﮭُﻤﮑﮯ ﮐﯽ ﺟﮭﻤﮏ ، ﺑﺎﻟﮯ ﮐﯽ ﮨِﻼﻭﭦ ﻭﯾﺴﯽ ﮨﮯ
...
ﭼﮩﺮﮮ ﭘﺮ ﺣﺴﻦ ﮐﯽ ﮔﺮﻣﯽ ﺳﮯ ﮨﺮ ﺁﻥ ﭼﻤﮑﺘﮯ ﻣﻮﺗﯽ ﺳﮯ
ﺧﻮﺵ ﺭﻧﮓ ﭘﺴﯿﻨﮯ ﮐﯽ ﺑُﻮﻧﺪﯾﮟ ، ﺳﻮ ﺑﺎﺭ ﺟﮭﻤﮑﺘﮯ ﻣﻮﺗﯽ ﺳﮯ
ﮨﻨﺴﻨﮯ ﮐﯽ ﺍﺩﺍ ﻣﯿﮟ ﭘﮭﻮﻝ ﺟﮭﮍﮮ ، ﺑﺎﺗﻮﮞ ﻣﯿﮟ ﭨﭙﮑﺘﮯ ﻣﻮﺗﯽ ﺳﮯ
ﻭﮦ ﭘﺘﻠﮯ ﭘﺘﻠﮯ ﮨﻮﻧﭧ ﻏﻀﺐ ، ﺍﻭﺭ ﺩﺍﻧﺖ ﭼﻤﮑﺘﮯ ﻣﻮﺗﯽ ﺳﮯ
ﭘﺎﺅﮞ ﮐﯽ ﺭﻧﮕﺎﻭﭦ ﻗﮩﺮ ﺳﺘﻢ ، ﺩﮬﮍﯾﻮﮞ ﮐﯽ ﺟﻤﺎﻭﭦ ﻭﯾﺴﯽ ﮨﮯ
....
ﺗﮭﯽ ﭘﮩﻨﮯ ﺩﻭﻧﻮﮞ ﮨﺎﺗﮭﻮﮞ ﻣﯿﮟ ﮐﺎﻓﺮ ﺟﻮ ﮐﮍﮮ ﮔﻨﮕﺎ ﺟﻤﻨﯽ
ﮐﭽﮫ ﺷﻮﺥ ﮐﮍﻭﮞ ﮐﯽ ﺟﮭﻨﮑﺎﺭﯾﮟ ، ﮐﭽﮫ ﺟﮭﻤﮑﮯ ﭼﻮﮌﯼ ﺑﺎﮨﻮﮞ ﮐﯽ
ﯾﮧ ﺩﯾﮑﮫ ﮐﮯ ﻋﺎﻟﻢ ﻋﺎﺷﻖ ﮐﺎ ﺳﯿﻨﮯ ﻣﯿﮟ ﻧﮧ ﺗﮍﭘﮯ ﮐﯿﻮﻧﮑﺮ ﺟﯽ
ﻭﮦ ﭘﺘﻠﯽ ﭘﺘﻠﯽ ﺍﻧﮕﺸﺘﯿﮟ ، ﭘﻮﺭﯾﮟ ﻭﮦ ﻧﺎﺯﮎ ﻧﺎﺯﮎ ﺳﯽ
ﻣﮩﻨﺪﯼ ﮐﯽ ﺭﻧﮕﺖ ، ﻓﻨﺪﻕ ﮐﯽ ﻧﺒﺖ ، ﭼﮭﻠّﻮﮞ ﮐﯽ ﭼﮭﻼﻭﭦ ﻭﯾﺴﯽ ﮨﮯ
....
ﺗﻘﺮﯾﺮ ﺑﯿﺎﮞ ﺳﮯ ﺑﺎﮨﺮ ﮨﮯ ، ﻭﮦ ﮐﺎﻓﺮ ﺣﺴﻦ ﺍﮨﺎ ﮨﺎﮨﺎ
ﮐﭽﮫ ﺁﭖ ﻧﺌﯽ ، ﮐﭽﮫ ﺣﺴﻦ ﻧﯿﺎ ، ﮐﭽﮫ ﺟﻮﺵ ﺟﻮﺍﻧﯽ ﺍﭨﮭﻨﮯ ﮐﺎ
ﻟﭙﮑﯿﮟ ﺟﮭﭙﮑﯿﮟ ﺍﻥ ﺑﺎﮨﻮﮞ ﮐﯽ ، ﯾﺎﺭﻭ ﻣﯿﮟ ﺁﮦ ﮐﮩﻮﮞ ﮐﯿﺎ ﮐﯿﺎ
ﻭﮦ ﺑﺎﻧﮑﮯ ﺑﺎﺯﻭ ﮨﻮﺵ ﺭﺑﺎ ، ﻋﺎﺷﻖ ﺳﮯ ﮐﮭﯿﻠﮯ ﺑﺎﻧﮏ ﭘﭩﺎ
ﭘﮩﻮﻧﭽﯽ ﮐﯽ ﭘﮩﻨﭻ ﭘﮩﻮﻧﭽﮯ ﯾﮧ ﻏﻀﺐ ، ﺑﺎﻧﮑﻮﮞ ﮐﯽ ﺑﻨﺪﮬﺎﻭﭦ ﻭﯾﺴﯽ ﮨﮯ
....
ﻭﮦ ﮐﺎﻓﺮ ﺩﮬﺞ ﺟﯽ ﺩﯾﮑﮫ ﺟﺴﮯ ﺳﻮ ﺑﺎﺭ ﻗﯿﺎﻣﺖ ﮐﺎ ﻟﺮﺯﮮ
ﭘﺎﺯﯾﺐ ، ﮐﮍﮮ ، ﭘﺎﺋﻞ ، ﮔﮭﻨﮕﺮﻭ ، ﮐﮍﯾﺎﮞ ، ﭼﮭﮍﯾﺎﮞ ، ﮔﺠﺮﮮ ، ﺗﻮﮌﮮ
ﮨﺮ ﺟﻨﺒﺶ ﻣﯿﮟ ﺳﻮ ﺟﮭﻨﮑﺎﺭﯾﮟ ، ﮨﺮ ﺍﯾﮏ ﻗﺪﻡ ﭘﺮ ﺳﻮ ﺟﮭﻤﮑﮯ
ﻭﮦ ﭼﻨﭽﻞ ﭼﺎﻝ ﺟﻮﺍﻧﯽ ﮐﯽ ، ﺍﻭﻧﭽﯽ ﺍﯾﮍﯼ ، ﻧﯿﭽﮯ ﭘﻨﺠﮯ
ﮐﻔﺸﻮﮞ ﮐﯽ ﮐﮭﭩﮏ ، ﺩﺍﻣﻦ ﮐﯽ ﺟﮭﭩﮏ ، ﭨﮭﻮﮐﺮ ﮐﯽ ﻟﮕﺎﻭﭦ ﻭﯾﺴﯽ ﮨﮯ
....
ﺍﮎ ﺷﻮﺭِ ﻗﯿﺎﻣﺖ ﺳﺎﺗﮫ ﭼﻠﮯ ، ﻧﮑﻠﮯ ﮐﺎﻓﺮ ﺟﺲ ﺩﻡ ﺑﻦ ﭨﮭﻦ
ﺑﻞ ﺩﺍﺭ ﮐﻤﺮ ، ﺭﻓﺘﺎﺭ ﻏﻀﺐ ، ﺩﻝ ﮐﯽ ﻗﺎﺗﻞ ، ﺟﯽ ﮐﯽ ﺩﺷﻤﻦ
ﻣﺬﮐﻮﺭ ﮐﺮﻭﮞ ﮐﯿﺎ ﺍﺏ ﯾﺎﺭﻭ ، ﺍﺱ ﺷﻮﺥ ﮐﮯ ﮐﯿﺎ ﮐﯿﺎ ﭼﻨﭽﻞ ﭘﻦ
ﮐﭽﮫ ﮨﺎﺗﮫ ﮨﻠﯿﮟ ، ﮐﭽﮫ ﭘﺎﺅﮞ ﮨﻠﯿﮟ ، ﭘﮭﮍﮐﮯ ﺑﺎﺯﻭ ﺗﮭﺮﮐﮯ ﺳﺐ ﺗﻦ
ﮔﺎﻟﯽ ﻭﮦ ﺑﻼ ، ﺗﺎﻟﯽ ﻭﮦ ﺳﺘﻢ ، ﺍﻧﮕﻠﯽ ﮐﯽ ﻧﭽﺎﻭﭦ ﻭﯾﺴﯽ ﮨﮯ
....
ﯾﮧ ﺗﻮ ﺍﻧﺖ ﮨﮯ
ﻗﺎﺗﻞ ﮨﺮ ﺁﻥ ﻧﺌﮯ ﻋﺎﻟﻢ ، ﮐﺎﻓﺮ ﮨﺮ ﺁﻥ ﻧﺌﯽ ﺟﮭﻤﮑﯿﮟ
ﺑﺎﻧﮑﯽ ﻧﻈﺮﯾﮟ ، ﺗﺮﭼﮭﯽ ﭘﻠﮑﯿﮟ ، ﺑﮭﻮﻟﯽ ﺻﻮﺭﺕ ، ﻣﯿﭩﮭﯽ ﺑﺎﺗﯿﮟ
ﺩﻝ ﺑﺲ ﮐﺮﻧﮯ ﮐﮯ ﻻﮐﮭﻮﮞ ﮈﮬﺐ ، ﺟﯽ ﻟﯿﻨﮯ ﮐﯽ ﺳﻮ ﺳﻮ ﮔﮭﺎﺗﯿﮟ
ﮨﺮ ﻭﻗﺖ ﭘﮭﺒﻦ ، ﮨﺮ ﺁﻥ ﺳﺠﻦ ، ﺩﻡ ﺩﻡ ﻣﯿﮟ ﺑﺪﻟﮯ ﻻﮐﮫ ﺳﺠﯿﮟ
ﺑﺎﮨﻮﮞ ﮐﯽ ﺟﮭﭙﮏ ، ﮔﮭﻮﻧﮕﭧ ﮐﯽ ﺍﺩﺍ ، ﺟﻮﺑﻦ ﮐﯽ ﺩﮐﮭﺎﻭﭦ ﻭﯾﺴﯽ ﮨﮯ
....
ﺟﻮ ﺍﺱ ﭘﺮ ﺣﺴﻦ ﮐﺎ ﻋﺎﻟﻢ ﮨﮯ ، ﻭﮦ ﻋﺎﻟﻢ ﺣﻮﺭ ﮐﮩﺎﮞ ﭘﺎﻭﮮ
ﮐﮧ ﭘﺮﺩﮦ ﻣﻨﮧ ﺳﮯ ﺩﻭﺭ ﮐﺮﮮ ، ﺧﻮﺭﺷﯿﺪ ﮐﻮ ﭼﮑﺮ ﺁ ﺟﺎﻭﮮ
ﺟﺐ ﺍﯾﺴﺎ ﺣﺴﻦ ﺑﮭﺒﮭﻮﮐﺎ ﮨﻮ ، ﺩﻝ ﺗﺎﺏ ﺑﮭﻼ ﮐﯿﻮﻧﮑﺮ ﻻﻭﮮ
ﻭﮦ ﻣﮑﮭﮍﺍ ﭼﺎﻧﺪ ﮐﺎ ﭨﮑﮍﺍ ﺳﺎ ، ﺟﻮ ﺩﯾﮑﮫ ﭘﺮﯼ ﮐﻮ ﻏﺶ ﺁﻭﮮ
ﮔﺎﻟﻮﮞ ﮐﯽ ﺩﻣﮏ ، ﭼﻮﭨﯽ ﮐﯽ ﺟﮭﻤﮏ ، ﺭﻧﮕﻮﮞ ﮐﯽ ﮐﮭﻼﻭﭦ ﻭﯾﺴﯽ ﮨﮯ
.....
ﺗﺼﻮﯾﺮ ﮐﺎ ﻋﺎﻟﻢ ﻧﮑﮫ ﺳﮑﮫ ﺳﮯ ﭼﮭﺐ ﺗﺨﺘﯽ ﺻﺎﻑ ﭘﺮﯼ ﮐﯽ ﺳﯽ
ﮐﭽﮫ ﭼﯿﻦ ﺟﺒﯿﮟ ﭘﺮ ﺍﯾﻨﭩﮫ ﺭﮨﯽ ، ﺍﻭﺭ ﮨﻮﻧﭩﻮﮞ ﻣﯿﮟ ﮐﭽﮫ ﮔﺎﻟﯽ ﺳﯽ
ﺑﮯ ﺩﺭﺩﯼ ﺳﺨﺘﯽ ﺑﮩﺘﯿﺮﯼ ﺍﻭﺭ ﻣﮩﺮ ﻭ ﻣﺤﺒﺖ ﺗﮭﻮﮌﯼ ﺳﯽ
ﺟﮭﻮﭨﯽ ﻋﯿّﺎﺭﯼ ، ﻧﺎﮎ ﭼﮍﮬﯽ ، ﺑﮭﻮﻟﯽ ﺑﮭﺎﻟﯽ ، ﭘﮑّﯽ ﭘﯿﺴﯽ
ﺑﺎﺗﻮﮞ ﮐﯽ ﻟﮕﺎﻭﭦ ﻗﮩﺮ ﺳﺘﻢ ، ﻧﻈﺮﻭﮞ ﮐﯽ ﻣﻼﻭﭦ ﻭﯾﺴﯽ ﮨﮯ
....
ﯾﮧ ﮐﺎﻓﺮ ﮔُﺪّﯼ ﮐﺎ ﻋﺎﻟﻢ ، ﮔﮭﺒﺮﺍﺋﮯ ﭘﺮﯼ ﺑﮭﯽ ﺩﯾﮑﮫ ﺟﺴﮯ
ﻭﮦ ﮔﻮﺭﺍ ﺻﺎﻑ ﮔﻼ ﺍﯾﺴﺎ ، ﺑﮩﮧ ﺟﺎﻭﮮ ﻣﻮﺗﯽ ﺩﯾﮑﮫ ﺟﺴﮯ
ﺩﻝ ﻟﻮﭨﮯ ، ﺗﮍﭘﮯ ، ﮨﺎﺗﮫ ﻣﻠﮯ ، ﺍﻭﺭ ﻏﺶ ﮐﮭﺎﻭﮮ ﺟﯽ ﺩﯾﮑﮫ ﺟﺴﮯ
ﻭﮦ ﮔﺮﺩﻥ ﺍﻭﻧﭽﯽ ﺣﺴﻦ ﺑﮭﺮﯼ ، ﮐﭧ ﺟﺎﺋﮯ ﺻﺮﺍﺣﯽ ﺩﯾﮑﮫ ﺟﺴﮯ
ﺩﺍﺋﯿﮟ ﮐﯽ ﻣﺰﺕ ، ﺑﺎﺋﯿﮟ ﮐﯽ ﭘﮭﺮﺕ ، ﻣﻮﻧﮉﮬﻮﮞ ﮐﯽ ﮐﮭﭽﺎﻭﭦ ﻭﯾﺴﯽ ﮨﮯ
....
ﺟﺐ ﺍﯾﺴﮯ ﺣﺴﻦ ﮐﺎ ﺩﺭﯾﺎ ﮨﻮ ، ﮐﺲ ﻃﻮﺭ ﻧﮧ ﻟﮩﺮﻭﮞ ﻣﯿﮟ ﺑﮩﯿﮯ
ﮔﺮ ﻣﮩﺮ ﻭ ﻣﺤﺒﺖ ﮨﻮ ﺑﮩﺘﺮ ، ﺍﻭﺭ ﺟﻮﺭ ﻭ ﺟﻔﺎ ﮨﻮ ﺗﻮ ﺳﮩﯿﮯ
ﺩﻝ ﻟﻮﭦ ﮔﯿﺎ ﮨﮯ ﻏﺶ ﮐﮭﺎ ﮐﺮ ، ﮐﺮﯾﮟ ﺍﻭﺭ ﺗﻮ ﺁﮔﮯ ﮐﯿﺎ ﮐﮩﯿﮯ
ﻣﻞ ﺟﺎﺋﮯ ﻧﻈﯿﺮؔ ﺍﯾﺴﯽ ﺟﻮ ﭘﺮﯼ ﭼﮭﺎﺗﯽ ﺳﮯ ﻟﭙﭧ ﮐﺮ ﺳﻮ ﺭﮨﯿﮯ
ﺑﻮﺳﻮﮞ ﮐﯽ ﺟﮭﭙﮏ ، ﺑﻐﻠﻮﮞ ﮐﯽ ﻟﭙﮏ ، ﺳﯿﻨﻮﮞ ﮐﯽ ﻣﻼﻭﭦ ﻭﯾﺴﯽ ﮨﮯ
ﻧﻈﯿﺮ ﺍﮐﺒﺮ ﺁﺑﺎﺩﯼ