Soli pe Latakny Ka hy Imkan Mokamal

سولی پہ لٹکنے کا ہے امکان مکمل
میں دوست ہو منصور کا اعلان مکمل

کچھ بھی نہیں اس آتشِ توحید نے چھوڑا
ہستی سمیت جل گیا سامان مکمل

ہے شرک میرا ہونا جہاں پر میں ہوں
آساں تو نہیں ہونا مسلمان مکمل

جب تک نہیں نثار ہر اک شے بنامِ اُو
ہو سکتا نہیں تب تلک ایمان مکمل

اب تو یہی خواہش کہ خواہش نا کوئی ہو
اب دل کے ہوئے جاتے ہیں ارمان مکمل

رکھ دینا اس گھڑی خم و ساغر مرے آگے
مخبوط ہو چکیں گے جب اوسان مکمل

جب انس کا عنصر ہی نہ پایا جائے
تو وارثی کیونکر ہوا انسان مکمل

بی اے وارثی